घर भनेको बारम्बार बनाउने होइन | त्यही भएर सोचेर बनाउनु पर्छ । तपाईंले घर बनाउन लाग्नु भएको ठाउँ सुरक्षित छ कि छैन भन्ने थाहा पाएर मात्रै घर निर्माण गर्नुपर्छ ।जनधन, सम्पत्ति, जीविकोपार्जनप्रति संवेदनशील भएर आइपर्न सक्ने संकटबारे सचेत भएर बस्ने, खोला नदी अतिक्रमण गरी घर तथा पूर्वाधार नबनाउने | घर, विद्यालय, शौचालय, स्वास्थ्य संस्था तथा कलकारखाना जस्ता संरचनाहरू पहिरो आउन सक्ने ठाउँ, अति भिरालो, दलदल भएको ठाउँमा चाहिँ बनाउनु हुँदैन । घर भन्ने कुरो मूल सडक, विद्यालय, अस्पतालजस्ता सामुदायिक पूर्वाधारबाट पनि नजिक हुनुपर्छ । खोला वा बाढीले असर गर्न सक्ने क्षेत्रभन्दा कमसेकम पनि सय मिटर टाढा पालिकाले सुरक्षित भनेर तोकेको स्थानमा मात्रै निर्माण गर्नुपर्छ ।