पालिकामा रहेका प्रकोपयुक्त क्षेत्रहरूको पहिचान गरी सम्भावित विपद्हरूबाट हुन सक्ने क्षतिलाई समेत आँकलन गरी पूर्वाधार विकासलाई सुरक्षित बनाउन तयार गरिएको नक्सा हो ।
यसमा बस्ती तथा पूर्वाधार विकासका लागि अनुपयुक्त, मध्यम उपयुक्त र उपयुक्त क्षेत्रहरूलाई रातो, पहेँलो र हरियो रङले छुट्याइएको हुन्छ ।

रातो रातो रङले चिनाइने गरेको क्षेत्र प्राकृतिक प्रकोप तथा विपद्का हिसाबले उच्च जोखिमको सम्भावना भएको क्षेत्र हो ।

यो क्षेत्र बस्ती विकास र पूर्वाधार निर्माणका लागि अनुपयुक्त क्षेत्र भएकाले सकेसम्म बस्ती विकास र निर्माणलाई निरुत्साहित गरिन्छ । गर्नैपरेको खण्डमा निर्दिष्ट भवन संहिता तथा निर्माण मापदण्ड पूरा गरेर मात्र पूर्वाधार निर्माण गर्न सकिन्छ ।

पहेँलो पहेँलो रङले चिनाइने गरेको क्षेत्र प्राकृतिक प्रकोप तथा विपद्का हिसाबले मध्यम जोखिम तथा विकास निर्माणका लागि मध्यम उपयुक्तता भएको क्षेत्र हो; जहाँ भवन संहिता तथा निर्माण मापदण्डअनुरूप सुरक्षाका हिसाबले नियन्त्रित उपायहरू अपनार्इ पूर्वाधार निर्माण गर्न सकिन्छ ।

हरियो हरियो रङले चिनाइने क्षेत्र प्राकृतिक प्रकोप तथा विपद्का हिसाबले सबैभन्दा कम जोखिम भएको तथा विकास निर्माणका लागि उपयुक्त क्षेत्र हो जहाँ भवन संहिता तथा निर्माण मापदण्ड पालना गरी पूर्वाधार निर्माण गर्न प्रोत्साहित गरिन्छ । थप जानकारीका लागि आफ्नो वडा कार्यालय वा पालिकामा सम्पर्क राख्नुहोस् । भोलि हैन आजै थालौँ, विपद् जोखिम न्यूनीकरणको पूर्वतयारी गरिहालौँ ।