के तपाईंको घर, बस्ती वा खेतबारी पहिरो नजिकै छ
बाढी आउन सक्ने खोला वा नदी किनारनेरै पो छ कि
अथवा जङ्गल वा आगलागी हुन सक्ने क्षेत्र नजिकै पो छ कि
वा अति भिरालो जमिनमा पनि त हुन सक्छ

आफ्नो क्षेत्रमा हुन सक्ने यी र यस्ता सम्भावित प्राकृतिक प्रकोप तथा त्यसबाट उत्पन्न हुन सक्ने विपद्का जोखिमबारे थाहा पाउन एकदमै जरुरी छ ।
विपद पछि वा अघि अपनाउनु पर्ने सावधानी र सतर्कताले तपाईं आफूलाई र आफ्नो समुदायलाई यसप्रति तयार हुन, बच्न अनि हानिबाट जोगिन मद्दत पुग्छ ।
जस्तै कि–
आफ्नो घर, बस्ती खेतबारी र उद्योग क्षेत्रमा के कस्तो प्रकोप जोखिम हुन सक्छन् बुझिराख्ने ।
आफ्नो नजिकमा पर्ने प्रहरी १००, दमकल १०१, एम्बुलेन्स १०२ तथा नगरपालिकाको आपतकालीन उद्धार तथा राहत शाखाको सम्पर्क नम्बर लिइराख्ने र विपद् आइहाले तुरुन्तै सम्पर्क गर्ने ।
यसका साथै जनधन सुरक्षाका अरु उपायहरु र राहत तथा उद्दारसम्बन्धी जानकारी लिइराख्ने ।
यसबारेमा थप कुरा बुझ्न आफ्नो पालिकाको वडा कार्यालयको विपद् व्यवस्थापन केन्द्र वा नगरपालिकाको कार्यालयमा आजै सम्पर्क गर्नुहोस् ।